कजरी ( २४.०६.२०१६ ) @ कॉपीराइट
शिव कुमार झा टिल्लू
*******************************
रसेरसे पावस के' बदरा कारी मुग्ध फुलबारी औ सजना !
गमकि गेलि चम्पा चमेली हँसैत जूही सासुर गेली
बालगेना थपकी दै छै आतुर भेलि युवती बेली
सजिगेल सुरभि सुमनसँ क्यारी हरितभेल बारी औ सजना !
पोरपोर डाँट सिहकल सुखल पात अपने बिदकल
काँट झरि माटिक तरमे रहत ने यौवन बिंहुसल
थिरकथि रजनी फूलकुमारी राति भेल न्यारी औ सजना !
शीतवात रासे रहसय क्षणेक्षणे ठनका गरजय
कलकल घनघन बादरि टपटप बुन्न बरसय
नहुनहु समटू सेजक गोरथारी भीजि गेल साड़ी औ सजना !
शिव कुमार झा टिल्लू
*******************************
रसेरसे पावस के' बदरा कारी मुग्ध फुलबारी औ सजना !
गमकि गेलि चम्पा चमेली हँसैत जूही सासुर गेली
बालगेना थपकी दै छै आतुर भेलि युवती बेली
सजिगेल सुरभि सुमनसँ क्यारी हरितभेल बारी औ सजना !
पोरपोर डाँट सिहकल सुखल पात अपने बिदकल
काँट झरि माटिक तरमे रहत ने यौवन बिंहुसल
थिरकथि रजनी फूलकुमारी राति भेल न्यारी औ सजना !
शीतवात रासे रहसय क्षणेक्षणे ठनका गरजय
कलकल घनघन बादरि टपटप बुन्न बरसय
नहुनहु समटू सेजक गोरथारी भीजि गेल साड़ी औ सजना !
No comments:
Post a Comment